chaganava.com

chaganava.com

საფირმო ფონტები

გთავაზობთ პროგრესულ და ყველასათვის მომგებიან პროექტს ქართული დამწერლობის განვითარებისა და ახალი კომპიუტერული ფონტების გავრცელებისათვის.

პროექტის მიხედვით კომპანიებს საშუალება ეძლევათ სარეკლამო მიზნებისათვის გამოიყენონ და უფასოდ გაავრცელონ ახლადშექმნილი საფირმო ფონტები.

ყოველი ფონტი ატარებს დამკვეთი ორგანიზაციის სახელს, რომელსაც მომხმარებლები კარგად დაიმახსოვრებენ.


GPC_Ta - ქართული ფონტი - ლათინური "თაჰომას" ანალოგი

ფონტი დამზადებულია პოპულარული ლათინური "Tahoma"-ს ანალოგად და შეიძლება წარმატებით გამოყენებულ იქნას მის გვერდით, ორენოვანი დოკუმენტებისა და გამოცემების მომზადებისას.

სრული ფონტი შედგება 8 ფაილისგან. აქედან 4 მთავრული და 4 ნუსხური განლაგების ასო-ნიშნებისათვის: (normal, normal-italic, bold, bold-italic).

ქართული შრიფტის ასო-ნიშანთა პროპორციები, ხაზები, გრაფიკული მოყვანილობა და ოთხ ხაზში განთავსების პრინციპი მართებულად შეესაბამება ლათინური "Tahoma"-ს არქიტექტურას.

ვინაიდან თავისი ბუნებით ფონტი პროგრამული უზრუნველყოფის და გრაფიკული დიზაინის მასალებისთვისაა გამიზნული, ყურადღება ექცევა მის გამომსახველობას, როგორც კომპიუტერის მონიტორზე, ისე ტიპოგრაფიულ გამოცემებში.

აღსანიშნავია, რომ ასო-ნიშანთა კონტურების დახვეწილობა დიდი ზომის პლაკატების დიზაინში ფონტის გამოყენების საშუალებას იძლევა. შრიფტის გაზრდისას მის კონტურებში ხარვეზი არ შეიმჩნევა.

ფონტი მოქმედია როგორც ლათინური, ისე უნიკოდის კოდირებისთვის. შესაძლებელია KA კლავიატურაზე აკრეფილი Sylfaen-ის ფონტის შეცვლა GPC_Ta ფონტით.

ფონტი: GPC_Ta (შეიცავს 8 ფაილს), შესყიდულია ფარმაცევტული კომპანია ჯიპისი-ს მიერ და ატარებს მის სახელს - GPC_Ta. მაღალი რეგისტრის ასო G-ს ადგილას კომპანია ჯიპისის თანამშრომელთა პატივსაცემად განთავსებულია სიმბოლო GPC.

მთავრული ასო–ნიშნები:

GPC_Ta_mT - Normal

GPC_Ta_mTb - Bold

GPC_Ta_mTbi - Bold-italic

GPC_Ta_mTi - Italic

ნუსხური ასო–ნიშნები:

GPC_Ta_nu - Normal

GPC_Ta_nub - Bold

GPC_Ta_nubi - Bold-italic

GPC_Ta_nui - Italic

ჩამოტვირთეთ: GPC_Ta.zip



GPC_Ti - ქართული ფონტი - ლათინური "თაიმსის" ანალოგი

GPC_Ti

ფონტი დამზადებულია პოპულარული ლათინური "Times"-ის ანალოგად და შეიძლება წარმატებით გამოყენებულ იქნას მის გვერდით, ორენოვანი დოკუმენტებისა და გამოცემების მომზადებისას.

სრული ფონტი შედგება 8 ფაილისგან. აქედან 4 მთავრული და 4 ნუსხური განლაგების ასო-ნიშნებისათვის: (normal, normal-italic, bold, bold-italic).

ქართული შრიფტის ასო-ნიშანთა პროპორციები, ხაზები, გრაფიკული მოყვანილობა და ოთხ ხაზში განთავსების პრინციპი შესაბამისობაშია ლათინური "Times"-ის არქიტექტურასთან.

GPC_Ti Keyboard

ვინაიდან თავისი ბუნებით ფონტი საკითხავი მასალისთვისაა გამიზნული, მასში დამატებულია ძველი ქართული ანბანის 5 ასო-ნიშანი და ამავე დროს შეიცავს რომაული ციფრების აღმნიშვნელ ასოებს (I=1, V=5, X=10, L=50, C=100, D=500, M=1000).

ამრიგად, დამატებით ასო-ნიშანთა ლათინურ კლავიატურაზე პრაქტიკული განლაგებისათვის მოძებნილია ახალი ვარიანტი (იხ. კლავიატურაზე განლაგება წითელი ფერით გამოსახულ შრიფტში. (დაბალი და მაღალი რეგისტრი აკრეფილია მონაცვლეობით).

ვინაიდან ქართული ასო ჩ განთავსებულია მაღალი რეგისტრის C-ს ადგილას, სწრაფი ორიენტაციისათვის რომაული ციფრი C=100 იკავებს მაღალი რეგისტრის ყველა თავისუფალ ადგილს კლავიატურაზე. გამონაკლისია მაღალი რეგისტრის ასო G, რომლის ადგილას კომპანია ჯიპისის თანამშრომელთა პატივსაცემად განთავსებულია სიმბოლო GPC.

ფონტი მოქმედია როგორც ლათინური, ისე უნიკოდის კოდირებისთვის. შესაძლებელია KA კლავიატურაზე აკრეფილი Sylfaen-ის ფონტის შეცვლა GPC_Ti ფონტით.

ფონტი: GPC_Ti (შეიცავს 8 ფაილს), შესყიდულია ფარმაცევტული კომპანია "ჯიპისი"-ს მიერ და ატარებს მის სახელს - GPC_Ti.

მთავრული ასო–ნიშნები:

GPC_Ti_mT - Normal

GPC_Ti_mTb - Bold

GPC_Ti_mTbi - Bold-italic

GPC_Ti_mTi - Italic

ნუსხური ასო–ნიშნები:

GPC_Ti_nu - Normal

GPC_Ti_nub - Bold

GPC_Ti_nubi - Bold-italic

GPC_Ti_nui - Italic

ჩამოტვირთეთ: GPC_Ti.zip